Koini Ruia

Hiva page-a hin organisation ruia akip a changa upload antho na.  Hiva page-a hin nei siara koini ruia na riat sa thei a.

Dharmanagar Langkei Baptist Association hi Tripura Baptist Christian Union thuoia Association khat a ni na. Kum 1978-a anding a ni na. Khosak missionary ngai in thang ahui moiser chu koini na nam kara le koini na rahuopa nam a om ngai kara a hong choi u na. Jampui Shakhan Baptist Association thuoia kum tamtak na om a. Bari nei tung tir a mu u  le chu, kum 1978-a inbing a na masum u na. DLBA thuoi hin kuibing le fellowship 30 a om. DLBA thuoia nam 7 a om. Head office chu Zoitang, Dharmanagar, North Tripura, 799253. Pathian zara malam na pan tir a. Pathian chu anpaka om rase.


 

Association Raming

A raming chu "Dharmanagar Langkei Baptist Association. Abong changa lamdan chu "DLBA".

 

Administrative Office Mun

Registered office, head quarter chu Zoitang, Dharmanagar, North Tripura, 799253.

  

DLBA a Derdin le Ei Val ngai

  1. Isuo Khrista Thang Ahui chu namtin le chitin kom anthek.
  2. Khrista kuibing anding le Khristian ngai a ninga ei angding thei u na rana a san.
  3. Khotang le vantanga sin asa tho le masonna ranga sin a tho.
  4. Khuo le tina mansonna ranga anchuna lama, mindamna lama, sanna lama le masonna lama ma lak.

Iam Dan

Koni'n nei iam ngai-

1. Pathian Lekhabu Anthiang 66 ngai rong hi Pathian Chong Anthiang a ni. Hasikhan iamna lama, ningneina lama, anchuna lama, anruoipu le ningneina lian khit adonpu a ni.

2. Taituon Pathian, miring zia anthum pumkhata-Pa, Sanai le Ratha Anthiang-a om.

3. Puma Isuo Khrista Miring le Pathian tak a ni.

4. Maniapur anthiarna ranga Puma Isuo Khrista Khross-a ei hong thi, Taksana ei anthui ret, Vanrama ei kal le ama apum nget le ningneina le anlianna ei hong kir ret rang.

5. Sandaman chu Khrista iama rong Ratha Anthiang anzirthar retna zara.

6. Ratha Anthiang aiam ngaia ommunkhuorna zara aiam ngai chu Pathian zotdana a leng thei.

7. Kuibing hi Khristian ngai malung munkhata ei om le ratha munkhata anlopa Pathian anmokna le anchuna a ni. Hasikhan Khrista aiam ngai dora chu tuolsung kuibinga ei om nget rang a ni.

8. Tina anphum rong hi aiam ngai Baptisma anlak dan a ni.

9. Baptisma anlak suo ngai le nundan asa ngai rong in Puma Zandui atem thei.

10. Khrista-na aiam ngai dora chu chaizungnina don kiar a ni.

11. Puma Isuo Khrista chongpek alian khit: nam tin kara Thang Ahui a rila, zolai a va sin.